Шымкент қалалық Мәдениет, тілдерді дамыту және архивтер басқармасының басшысы Бауыржан Орынтаев баспасөз отырысында үшінші мегаполисте Наурыз мейрамын тойлауға бюджеттен қанша теңге бөлінгенін мәлім етті деп хабарлайды rgmedia.kz тілшісі. Басқарма басшысының айтуынша қалада Наурыз мейрамы 10 күн бойы тойланады. Ол үшін қала қазынасынан 151 млн теңге бөлініпті. Ал жыл бойындағы мәдени шараларға 1 млрд. 200 млн теңге қарастырылған.
Негізгі іс-шаралар легі Астана алаңы мен Шымқала этноауылында өтпек. Сонымен қатар әр аудан орталығында мерекелік концерттер ұйымдастырылады.