Адалдық - жалақының өсуіне ықпал етеді

57ddc6d63062c6c6642f4dc9389182ea.jpg

ҚР Мемлекеттік қызмет істері және сыбайлас жемқорлыққа қарсы іс-қимыл Агенттігінің Түркістан облысы бойынша департаментінің басшысы, Әдеп жөніндегі кеңес төрағасы Ғалым Тұрсынбаев Шардара ауданына барды. 

Мемлекеттік қызметкер – атқарушы биліктің айнасы. Бәскеге қабілетті дамыған 30 елдің қатарына енуді жоспарлап отырған мемлекетіміз үшін билік тізгініндегі қызметкерлердің әдебі аса маңызға ие. Басшылар жұмыс барысында осы мәселелерді жіті түсіндірді. 

Сондай-ақ кездесу барысында республика мен облыс көлемінде сыбайластыққа жол берген шенеуніктердің парақорлығы айтылды. Түрлі салада жұмыс істейтін қызметкерлердің құқыққорғау органдарының құрығына іліккен сәттері бейнесюжетпен көрсетілді.

– Әдепті, арлы қызметкер жең ұшынан жалғасқан жемқорлыққа бармауы тиіс. Бүгінгі таңда мемлекеттік қызметкерлерге атқарған жұмысы бойынша жалақы төлеу жүйесі енгізілді. Сондықтан өз ісімен мол жалақы алуына мүмкіндік бар, –  деді Ғалым Тұрсынбаев. 

Бұдан соң департамент басшысы «Нұр Отан» партиясы аудандық филиалында тұрғындарды қабылдады. Сауалдарды мұқият тыңдаған департамент  басшысы олардың сұрақтарына егжей-тегжейлі талдау жасап, тұшымды жауап қайтарды.


Мүмкін сізді қызықтыратын тақырыптар:

  • Тура жолдан адаспау - басты мақсат
  • Сайрамды қылмыс деңгейі төмендеп келеді
  • Керуен жұмысы тиімділігін көрсетуде
  • Бәйдібек ауданында IT-сынып ашылды
  • ​Түркістан облысында асфальт-бетон өндіру зауыты іске қосылды
  • Ақпарат

    • Rgmedia.kz ақпарат агенттігін есепке қою туралы № 16380-ИА куәлігі 06.03.2017 жылы Байланыс, ақпараттандыру және бұқаралық ақпарат құралдары саласындағы мемлекеттік бақылау комитетінен берілді.

    Әлеуметтік желілер