Бүгін Ордабасыда аудан әкімі Нұрбол Тұрашбеков пресс-тур өткізді. Пресс-тур барысында Нұрбол Әбдісаттарұлы Ордабасы ауданының биылғы әлеуметтік-экономикалық саласында жеткен жетістіктеріне тоқталып өтті.
- Қажымұқан атамыз әрине бүкіл қазақтың күш атасы. Өмірінің соңғы жылдарында біздің ауданымызда тұрған. Мазараты осы жерде. Жоба бойынша біршама хабарларыңыз бар. Біздің үлкен Батыс-Еуропа, Батыс-Қытай автокөлік дәлізі бойына өтіп бара жатқан кезде ол кісінің мазараты көрінеді. Сол жерден аудан әкімшілігі жер бөлініп, жобалық-сметалық құжаттар дайындалып, жобаның құны аудан бюджеті есебінен, жобаның құны 1 миллиард 375 миллион теңге. 5 гектар аумақты алып жатыр. Ол жерде біздің спорт кешеніміз бой көтереді. Қазіргі таңда қаржы қаралды. Ендігі кезекте мемлекеттік сату, сатып алу конкурсы өткізіліп, мердігер компания келер жылы анықталады, құрылыс жұмыстары басталады. Ол жерде спорт комплекс, сосын мұражай және қонақ үй болады. Бір жағы туризмді дамытуға, екінші жағынан спортшыларымыздың спортпен айналысуға үлесін қосады деп ойлаймын - дейді аудан әкімі Нұрбол Тұрашбеков.