Шымкент қаласы аумағында төтенше жағдайдың енгізілуіне байланысты қала халқының осал топтарына жан-жақты әлеуметтік көмек көрсету жұмыстары жалғасуда.
Елбасының бастамасымен құрылған «BIRGEMIZ» қоғамдық қорына республика бойынша түрлі кәсіпкерлер мен меценаттар қаржы құйып, осынау қысылтаяң шақта елге көмек беруге ниетті екенін білдіруде.
Осы орайда «Birgemiz» қорынан 21 864 шымкенттіктің есепшотына 50 мың теңгеден бір реттік қаржы аударылды. Бұл санаттағы І топтағы мүгедектер, аз қамтылған отбасылар, Ұлы Отан соғысының ардагерлері, ең төменгі зейнетақы алатын зейнеткерлер, бір сөзбен айтқанда қазіргі кезде ауыр жағдайда қалған отбасыларға қолдау жасалды. Көмек қалаға қарасты төрт ауданның әкімдіктері бекіткен тізім бойынша жасалды.
Шымкент қаласының төтенше жағдай жөніндегі штабы
