Шымкент: 214 613 оқушы әртүрлі мобильді байланыс арқылы интернетке қосылған

2a16f337-40ee-4fb2-8f29-a106d18adfd3.jpg

Шымкенттегі 172 білім беру ошағында 222 037 оқушы білім алады. Атап айтқанда,  827 оқушыға инклюзивті білім беріліп, 702 оқушыға «WhatsApp» мессенжері арқылы оңалту сабақтары жүргізіледі. 

Үшінші мегаполисте қашықтықтан білім беру бойынша 187 640 (84,5%) оқушы Республикалық «Балапан» және «Еларна»телеарналары арқылы білім алуда. 

Жергілікті телеарналар арқылы бейне сабақтарды көрсету жұмыстары ұйымдастырылып, «Bilimland.kz», «Дарын Онлайн»сияқты интернет платформаларын 118 740 (53,7%) оқушы қолдануда.

Білім беру ошақтарында онлайн сабақтарды «google class», «edu page» бағдарламалары арқылы - 15 954 (7,2%) білім алушы тиімді пайдаланған.

Сонымен қатар «WhatsApp» мессенжері арқылы барлық мұғалімдер оқушылармен кері байланысқа шығып,  «Күнделік», «Ай мектеп» электронды журналдарында бақылануда.

Нәтижесінде, 166 мектептің «Күнделік» электронды журналына кіруі - 93,5 %,  6 мектеп бойынша «Ай мектепті» қолдану көрсеткіші - 61,8%-ды құрады.

Қаладағы 30 364 аз қамтылған отбасы балаларының ішіндегі  компьютерді қажет ететін 17 616 оқушыға мектептердегі компьютерді уақытша пайдалануға беріп, интернет мәселесі білім ұйымдарындағы қаржы есебінен шешімін тапқан. 

Оқушылардың  96,7%-ы әртүрлі мобильді байланыс арқылы интернетке қосылған. Ол - 214 613 оқушы.

Қала мектептеріндегі барлық 17 253 мұғалім электронды құрылғылар мен интернет желісін  қамтамасыз етілген.

Білім басқармасы тарапынан бір көзден сатып алу жүйесінде 2 250,0 млн.тг. қаржыға 9000 компьютер сатып алу жұмыстары жедел қарастырылуда.

Мүмкін сізді қызықтыратын тақырыптар:

  • Елге келген қандастардың неше пайызы еңбекке жарамсыз
  • Қазақстандықтарға мемлекеттік қызметтердің жаңа түрлері қолжетімді
  • Мемлекет басшысы Қазақстанның шет елдердегі бірқатар Елшісін тағайындады
  • Ресей: Теракт болған күні Крокустан 5 мыңнан астам адам эвакуацияланған
  • Президент терроризмге қарсы күресте Қазақстанның Ресеймен бірге екенін растады
  • Ақпарат

    • Rgmedia.kz ақпарат агенттігін есепке қою туралы № 16380-ИА куәлігі 06.03.2017 жылы Байланыс, ақпараттандыру және бұқаралық ақпарат құралдары саласындағы мемлекеттік бақылау комитетінен берілді.

    Әлеуметтік желілер