Бақытжан Сағынтаев үндеу жариялады

1574326291_news_b.jpeg

Алматы қаласының әкімі Бақытжан Сағынтаев қардың мол түсуіне байланысты үндеу жариялады. Бұл туралы ол өзінің Instagram-парақшасында жазды деп хабарлайды RGMEDIA.KZ ақпараттық агенттігі.

«Құрметті алматылықтар!

Қардың қалың жаууы өте сақ болуды талап етеді. Қар жамылғысының биіктігі қаланың жоғарғы бөлігінде 15 см, таулы аймақта 25 см-ден асты. Ауыр қар ағаштарды құлатты. Ағаштардың құлаған кейбір бұтақтары көліктерге тиген. Таңертең қаланы аралап шықтым. Көшелерді, аялдамаларды қардан тазалау бойынша және тайғаққа қарсы барлық қажетті шаралар қолға алынуда. Жол бойында 600 техника мен 1700 жұмысшы қызмет етуде. Көшелерді қардан тазалау бойынша қандай жерлерде қиын жағдай туындап отырғанын хабарлауды сұраймын.

Құрметті алматылықтар!

Үлкен және Кіші Алматы өзендері бассейндерінің тау бөктерлерінде қар көшкіні жүру қаупі бар. Сондықтан тауда өте сақ болуларыңызды, тіпті тауға баруды кейінге шегеруді сұраймын», - деп жазды Бақытжан Сағынтаев.

Әкім Полиция департаментіне жолдағы қауіпсіздікті қамтамасыз ету шараларын күшейтуді, Төтенше жағдайлар департаменті мен коммуналдық қызметтерге апаттық жағдайлардың салдарын дереу жойып отыруды тапсырды.


Мүмкін сізді қызықтыратын тақырыптар:

  • Шымкент: 1 маусымнан бастап 2 095 орта және шағын бизнес нысандары қайта іске қосылады
  • Шымкент: 500-ге жуық ерікті қоғамдық көліктерде тегін жүреді
  • Шымкентте 8000 орындық жаңа мешіттің құрылысы қызу жүргізілуде
  • Шымкент: дала өртінің алдын алу шаралары белсенді жүргізілуде
  • Шымкенттік 3000-ға жуық ерікті қайырымдылық шараларына атсалысуда
  • Ақпарат

    • Rgmedia.kz ақпарат агенттігін есепке қою туралы № 16380-ИА куәлігі 06.03.2017 жылы Байланыс, ақпараттандыру және бұқаралық ақпарат құралдары саласындағы мемлекеттік бақылау комитетінен берілді.

    Әлеуметтік желілер