Тәуелсіз Қазақстандағы алғашқы мұнай өңдеу зауыты Түркістан облысында салынып, биыл іске қосылады. Бұл туралы бүгін облыс әкімі Өмірзақ Шөкеев ел алдындағы есебінде айтты деп хабарлайды RGMEDIA.KZ ақпараттық агенттігінің тілшісі.
– Ордабасы ауданында мұнай өңдейтін зауыт салынып жатыр. Жылына 2 млн. тонна өнім шығаратын болады. Биыл іске қосылады, – деді Өмірзақ Естайұлы.
Әкімнің айтуынша, жобалық құны 95 млрд. теңгені құрайтын «Standard Petroleum & Co» ЖШС-нің өндіріс орнында 1000-ға жуық жаңа жұмыс орны ашылады. Биыл I-ші кезеңі іске қосылады деп жоспарлануда. Бұл зауыт Тәуелсіздік алғалы бері заманауи құрал жабдықтармен жабдықталған алғашқы мұнай өңдеу зауыты болады.
Бүгінге дейін Атырауда, Павлодарда және Шымкентте мұнай өңдеу зауыттары жұмыс істеп тұр. Аталған үш зауыт та КСРО кезінде салынып іске қосылған.