Қазақстан Республикасының Сыбайлас жемқорлыққа қарсы іс-қимыл агенттігінің Шымкент қаласы бойынша департаменті, "Ғаламат" қоғамдық бірлестігінің және "Шымкент - адалдық алаңы" жобалық кеңсесінің ұйымдастыруымен жоғарғы оқу орындарының студенттері арасында сыбайлас жемқорлықтың алдын алу тақырыбында эссе байқауын өткізді. 

Шараның мақсаты – сыбайлас жемқорлыққа төзбеушілікті дәріптейтін құндылықтарды түсіндіру, сақтау және нығайту, парасаттылық мәдениетін қалыптастыруда жастардың үлесін жоғарылату болып табылады.

"Отырар" қалалық ғылыми-әмбебап кітапханасының коворкинг орталығының алаңында өткен байқауға 3 Университеттен 7 студент қатысты.

Байқауға қатысушылар тақырып бойынша мәселені зерделеп, өз пайымын, азаматтық көзқарасы мен ұстанымын, ұсыныстарын жазды. Оларға Департамент, «Шымкент-адалдық алаңы» жобалық кеңсесі, Арнайы мониторингтік топ өкілдері мен қоғам өкілдерінен құралған әділқазылар сұрақтар қойып, тақырып бойынша ашылмай қалған тұстарын кеңінен жеткізуге мүмкіндік берді. 

Іс-шара қорытындысымен І-орынды SilkWay Халықаралық университетінің студенттері И.Есентай, ІІ-орынды  А.Лашкер,ІІІ орынды «Мирас» университетінің студенті Г.Ниятуллаева иеленді. 

Жеңімпаздар 9 желтоқсан – Халықаралық сыбайлас жемқорлыққа қарсы күрес күні қарсаңында марапатталатын болады.