Созақ ауданында жыл басынан бергі жеті ай ішінде құны 173 жарым
миллиард теңгеге жуық қаржыға пара-пар жалпы өңірлік өнімі өндірілді.
Еліміздегі территориясы ең үлкен Түркістан облысының теріскейіндегі
аталған аудан әкімінің орынбасары Бекзат Әлмағанбет бұл туралы аудандық
мәслихаттың кезекті 45-інші сессиясында мәлімдеді. Ауданда атқарылған
жұмыстардың жеті айлық есебі депутаттардың қатысуымен қыркүйек айының
соңғы сәрсенбісінде тыңдалды.
– Биылғы жылдың 7 айында 173 млрд. 545
млн. 900 мың теңгенің жалпы өңірлік өнімі өндірілді. Бұл өткен 2018
жылдың есепті кезеңімен салыстырғанда 109,7 пайызға немесе 43 млрд.
917,0 мың теңгеге артып отыр, – деді баяндама жасаған аудан басшысының
орынбасары Бекзат Тайұлы.
Сессияның күн тәртібінде аудан әкімі
орынбасарының есебінен бөлек аудандық білім бөлімі тарапынан атқарылған
жұмыстар есебі де тыңдалды. Сонымен қатар, алда тұрған міндеттер
баяндалып, халық қалаулыларының талқысына түсті.