Ақтөбеде зағиптарға арналған жаңа ғимарат іздестіріліп жатыр

8dcb938de3254d61468976780b85a076.jpg

Қала әкімінен бөлек, зағиптармен облыстық жұмыспен қамтуды және әлеуметтік бағдарламаларды үйлестіру басқармасының басшысы Ербол Данағұлов және облыстық мәдениет, архив және құжаттама басқармасының басшысы Нұрхан Қадырбаев та кездесті.

«Өткен кездесуде жаңа ғимарат туралы әңгіме қозғадыңыздар. Бір жерде мәдениет үйі де, кітапхананың болғанын қаладыңыздар. Сіздерге лайық ғимарат іздестіріліп жатыр. Бұл мәселені шешу үшін жұмыс істейміз», - деді қала әкімі Мавр Абдуллин.

Басқарма басшысы Ербол Данағұловтың сөзінше, облыста 860 мың адам тұрса, соның 20 мыңы – мүмкіндігі шектеулі жандар. Соның ішінде 1200 зағип бар екен.

«Сіздерге арнайы құрал-жабдық пен шипажайға жолдама беруде бірқатар ақаулар пайда болды. Соның барлығы осы аптада дұрысталады. Бұл мамандардың қателігі емес, бұл мемлекеттік сатып алу рәсіміне байланысты болды», - деді Ербол Данағұлов.

Ал мәдениет басқармасының басшысы Нұрхан Қадырбаев зағиптар кітапханасының әбден тозғанын айтты. Ол да жаңа ғимарат қарастыру керектігін құптады.


Мүмкін сізді қызықтыратын тақырыптар:

  • Елге келген қандастардың неше пайызы еңбекке жарамсыз
  • Қазақстандықтарға мемлекеттік қызметтердің жаңа түрлері қолжетімді
  • Мемлекет басшысы Қазақстанның шет елдердегі бірқатар Елшісін тағайындады
  • Ресей: Теракт болған күні Крокустан 5 мыңнан астам адам эвакуацияланған
  • Президент терроризмге қарсы күресте Қазақстанның Ресеймен бірге екенін растады
  • Ақпарат

    • Rgmedia.kz ақпарат агенттігін есепке қою туралы № 16380-ИА куәлігі 06.03.2017 жылы Байланыс, ақпараттандыру және бұқаралық ақпарат құралдары саласындағы мемлекеттік бақылау комитетінен берілді.

    Әлеуметтік желілер