Ринат 10 маусымда түстен кейін Алатау ауданында өткен рұқсат етілмеген митингке қатысқаны үшін ұсталған.
– Түсіндіру жұмыстарынан кейін Зайытов үйіне жіберілді. Сәлден кейін Полиция департаменті ғимаратының алдына Зайытовпен кездестіруді талап еткен бір топ азамат жинала бастады. Оларға Ринаттың үйіне жіберілгені туралы хабарланса да, жиналған топ тарқамай тұрып алды. Жиналғандардың түрі жаман екенін, жиналыстың арты жаппай тәртіпсіздіктерге ұласып кетуі мүмкін екенін сезген құқық қорғау органдарының талабымен Зайытов жұрт жиналған жерге жеткізіліп, олардың алдында сөз сөйледі. Ринат жиналғандарды тәртіп бұзбауға, құқық қорғау органдарының заңды талаптарын орындауға шақырды. Аталған дерек прокуратура органдарының бақылауына алынды,, – деп хабарлады Алматы ПД баспасөз қызметі.