Бүгін Мемлекеттік қызмет істері және сыбайлас жемқорлыққа қарсы іс-қимыл агенттігінің Түркістан облысындағы Әдеп жөніндегі Кеңесі кезекті отырысында 12 шенеуніктің мәселесін майшаммен қарады. Қорытындысында Мақтарал ауданының жұмыспен қамту және әлеуметтік бағдарламалар бөлімінің басшысы Б.Норабаевты қызметінен босатуды ұсынды. Сонымен қатар, бір облыстық басқарма басшысы мен аудандық бөлім басшысын қызметіне лайық емес деп шешті. Қалған екеуіне сөгіс, жетеуіне ескерту берілді.
Атап айтсақ, қызметіен кеткен Б.Норабаев сыбайлас жемқорлық фактілерін біле тұра тиісті мемлекеттік органга хабарламаған болып шықты. Бөлім басшысы лауазымынан сол салғырттығы үшін шеттетілді. Ал, елді мекендерді газдандыру барысында заңнамаларды сақтамағаны үшін Сайрам ауданының тұрғын үй-коммуналдық шаруашылық бөлім басшысы Е.Сарыбековке және сотқа шағымдану кезінде жіберілген кемшіліктері бойынша шығарылған соттың жеке ұйғарымдарының негізінде Түркістан облысының жер инспекциясы басқармасының басшысы М.Алибековке «қызметке толық сәйкес еместігі туралы ескерту» түріндегі тәртіптік жаза қолдану ұсынылды.
Ал, облыстағы төрт ауданның төрт бөлім басшысына қатысты істер тәртіптік жаза қолдану мерзімінің өтуіне және деректер дәлелін таппауына байланысты тоқтатылды.