Парламенттің қос палатасының біріккен отырысында Қазақстан Респубикасының Президенті лауазымы кіріскен Қасым-Жомарт Тоқаев салтанатты түрде Конституцияға қолын қойып тұрып ант берді. Президент ретінде алғашқы шешімін қабылдап, Нұрсұлтан Назарбаевқа «Алтын жұлдыз» орденін және «Халық қаһарманы» атағын табыс етті.
Тоқаев Назарбаев есімін ұлықтау жалғасатынын айтып, бірнеше ұсынысын жеткізді. Атап айтқанда, Н.Назарбаевты "Құрметті сенатор" деп атау, Астана атауын Нұрсұлтан деп өзгерту, Тұңғыш Президентке монумент орнату, барлық облыс орталықтарында негізгі көшедерге Н.Назарбаев есімін беру, мемлекеттік мекемелердің, оқу орындарының және басқа да маңызды органдардың төрінде Н.Назарбаев портреттерін мемлекеттігіміздің атрибуттары ретінде қалдыру.
Қос палата мүшелері мен Президент Тоқаевтың ант беру рәсіміне шақырылғандар айтылған ұсыныстарды орындарынан тік тұрып, шапалақтап, келісетіндерін сөзсіз-ақ білдірді.
