Елімізде ғалымдар киік санын реттеуге қатысты биологиялық негіздеме әзірлеп жатыр. Осы биологиялық негіздемеге сәйкес, киіктің белгілі бір санын аулау мәселесі көтеріледі.
Осы орайда Экология министрі Ерлан Нысанбаев аңшыларға киік аулауға рұқсат беру туралы тілшілер сұрағына жауап берді деп жазады RGmedia.kz тілшісі.
− Оны да қарастырып жатырмыз. Бірақ бұл жерде қауіп көп. Біздің кең байтақ даламыз үлкен, ал инспекторлар саны әр аңшының артынан еріп жүруге мүмкіндік бермейді. Бұл тәжірибе Совет дәуірінде болған. Бір жылдары рұқсат беріліп, бүкіл дала мүйізі кесілген киіктердің тушасына толған. Сол себепті биыл тек аналығына (рұқсат – ред.) береміз бе деп ойлап отырмыз. Бірақ қазір оның жолы, әр қадамы қалай болады – соны аңшылар ұйымымен өзіміз ақылдасып жатырмыз, − деді Экология министрі Ерлан Нысанбаев Сенатта өткен брифингте.