Өткен жылы Қазақстанда 123,6 мың неке тіркелді. Бұл туралы Ұлттық статистика бюросы хабарлады.
— 1000 адамға шаққандағы жалпы некелесу коэффициенті — 6,13. Некенің ең жоғары коэффициенті Астанада — 7,34, Алматы облысында — 6,98 және Ұлытау облысында — 6,70. Ең азы-Батыс Қазақстан облысында, ондағы көрсеткіш 5,58 құрады, — делінген хабарламада.
Өткен жылы үйленгендердің басым бөлігі 20-24 жас аралығында болған, ал алғашқы некеге тұрудың орташа жасы ерлерде — 27,9 жас, әйелдерде — 25,2 жас болды. Жалпы қиылған некенің 18,2% — аралас неке.
Некеге тұрған қыздардың 41%-ында жоғары білім болған, ерлердің 38%-ы ЖОО-да оқыған.
Айлар бөлінісінде ең көп неке шілде айында тіркелген — 13 739, ең азы — мамырда (8453).