Қытайдың оңтүстігіндегі Гуандун провинциясындағы Майда (Мэйчжоу-Дабу) экспресс жолының бір бөлігінің опырылуынан болған апатты оқиғадан қаза тапқандар саны 24-ке жетті. Бұл туралы Синьхуа агенттігі жазды.— 20 көлікке зақым келді. 30 адам ауруханаға жатқызылды, олардың өміріне қауіп төніп тұрған жоқ, - деп хабарлады жергілікті билік. Мэйчжоу қаласы үкіметінің хабарлауынша, қирау түнгі сағат 2:10 шамасында Мэйчжоу қаласындағы тас жолдың 184,3 шаршы метр аумақты алып жатқан бөлігінде болған. Аэрофотосуреттер трассаның бір жағы опырылып, көліктердің төменге қарай құлағанын көрсетті.