Коронавируспен күрес: Қазақстандықтар Халықтық бақылау тобына қосылуда

Ақпарат және қоғамдық даму министрінің кеңесшісі Лима Диас қазақстандықтарды Халықтық бақылау тобына қосылып, медициналық ұйымдарға мониторинг жүргізуге шақырды, деп хабарлайды ҚазАқпарат тілшісі. 

200711195308458a3671739i.jpg

«Бұл - әрбіріміздің азаматтық жауапкершілігіміз! Біз пандемияны осы жолмен жеңе аламыз. Қазіргі таңда осынау үрейлі ауру өршіп тұрған уақытта халықтың күші қалай оянып келе жатқанын, қоғамдық бақылаудың маңызы зор екенін көріп отырмыз. Белсенді қазақстандықтар күн сайын волонтерлер қатарына жазылып, елге пандемияны еңсеруге көмектесуде. Әркім шама-шарқынша атсалысуда», - деп жазады Лима Диас Facebook-парақшасында. 

Оның жазуынша, белсенділер медициналық ұйымдардың ішінде қоғамдық бақылау жүргізіп жатыр. Осы бастама Денсаулық сақтау министрі Алексей Цойдың да назарын аудартқан. 

«Мемлекеттің осындай бастаманы қолдап жатқаны қуантады. Мен де дайынмын. Таяудан бері Ақпарат және қоғамдық даму министрі Аида Балаеваның кеңесшісімін. Ақпарат және қоғамдық даму министрлігі тарапынан ауруханаларға қоғамдық бақылау жүргізу жұмысын үйлестіру маған жүктелді», - дейді ол. 

Бұл ретте, Халықтық бақылау медициналық персоналдың жұмысына кедергі келтірмеуді басты назарға алып отыр. 

«Сол себепті дәрігерлерге ең бірінші кезекте көмектесу үшін қоғамдық бақылау керек. Қазіргі уақытта маңыздысы: мониторинг пен бақылаудың тиімді механизмдерін даярлап, қысқа уақытта белсенділерді үйлестіру керек, БАҚ пен мемлекеттік орган болып, бір-бірімізбен ықпалдаса жұмыс жүргізгеніміз дұрыс. Идеяларыңыз немесе ұсыныстарыңыз болса, қоғамдық бақылау тобына қосылғыңыз келсе пікірге ұсынысыңызды қалдырыңыз. Болмаса diaslimakz@gmail.com поштасына хат жолдауға болады. Байланыстамын», - дейді ол. 

Еске сала кетсек бұған дейін ҚР Денсаулық сақтау министрі Алексей Цой ауруханада емделіп жатқан науқастарға дәрі-дәрмек жетпей жатқаны туралы әлеуметтік желіде тараған видеоға қатысты жауап берген еді. Министр медициналық ұйымдардың жұмысын қадағалайтын Халықтық бақылау құратынын айтқан.

Мүмкін сізді қызықтыратын тақырыптар:

  • Түркістанда рекордтар кітабына енетін жаңа әуежайдың жолын тексерді
  • Қазақстанда Өнеркәсіпті дамыту қоры құрылады
  • Мониторинг тұрақты жүргізілуде
  • Дәрі тапшылығы болмауы тиіс...
  • Қаулыға сәйкес карантин режимі қатаң бақылауда
  • Ақпарат

    • Rgmedia.kz ақпарат агенттігін есепке қою туралы № 16380-ИА куәлігі 06.03.2017 жылы Байланыс, ақпараттандыру және бұқаралық ақпарат құралдары саласындағы мемлекеттік бақылау комитетінен берілді.

    Әлеуметтік желілер