Қордай ауданындағы дүнгендер тұратын Масаншы ауылынан он жыл бойы бірде-бір «Алтын белгі» немесе үздік аттестат иегері шықпаған. Бұл туралы Жамбыл облысының әкімі Бердібек Сапарбаев білім беру саласының қызметкерлерімен кездесуінде айтты деп RGMEDIA.KZ ақпарат агенттігі хабарлады облыс әкімі аппаратының баспасөз қызметіне сілтеме жасап.
«Облыс әкімі Масаншы ауылындағы мектептердің бірінен он жыл бойы бірде-бір «Алтын белгі» немесе үздік аттестат иегері шықпағанын, тек бір ғана түлектің ЖОО-на грантқа қол жеткізгеніне назар аудартты. Міне, Қордай оқиғасының түпкі себебін осыдан іздеу керек. Бұл сапалы білім мен жас ұрпақты тәрбиелеу, ұлттық дәстүрлерден алшақтау, мәдени-бұқаралық іс-шараларды ұйымдастыру деңгейінің төмендігін көрсетері сөзсіз» делінген облыс әкімдігі таратқан мәліметте.
