Путиннің табысы Песковтың әйелінікінен аз

666.jpg

Ресей президенті Владимир Путин 2018 жылы 8 миллион 648 мың 353 рубль (шамамен 134 мың АҚШ доллары) табыс тапқан. Кремльдің 12 сәуірде жариялаған мемлекет басшысының табысы, шығысы және мүлкі жайлы декларациясында осындай дерек көрсетілген. Өткен жылы президенттің орташа жалақысы айына 720,7 мың рубль (шамамен 11 мың доллар) болған. 

Декларацияда көрсетілген дерекке сәйкес, Путиннің атына тіркелген жылжымайтын мүлік құрамында өзгеріс жоқ. Президенттің 77 шаршы метрлік пәтері және 18 шаршы метрлік гаражы,  сонымен бірге ауданы 153 шаршы метр тағы бір пәтері және гараж орны бар. Мүліктердің барлығы Ресейде деп көрсетілген. Декларация бойынша, Путиннің "Волга" ГАЗ М21, жол талғамайтын "Нива" көлігі, "Скиф" тіркемесі бар. 2018 жылы президенттің табысы 2017 жылмен салыстырғанда 10 миллион рубльге азайған. Ресейлік ТАСС агенттігінің жазуынша, Ресей президентінің баспасөз хатшысы Дмитрий Песковтың әйелі, мәнерлеп сырғанаудан олимпиада чемпионы Татьяна Навка Кремльдегі шенеуніктердің әйелдері арасында табыс көптігі жағынан қатарынан үш жыл алдыңғы орынды бермей келеді. Ресей президенті және үкіметінің ресми сайтындағы дерекке сәйкес, Навканың табысы 2018 жылы 218 миллион рубльден асқан. Осы арада айта кетелік, Ресей президенті Владимир Путин мен Солтүстік Корея басшысы Ким Чен Ын келесі аптаның соңында кездесуі мүмкін. Оңтүстік Кореядағы "Рёнхап" агенттігінің хабарлауынша, Владимир Путин Владивостокқа 26–27 сәуірде Пекинге жоспарланған сапары қарсаңында келеді. Мұнда "Бір белдеу, бір жол" форумы ұйымдастырылады. Владивостокқа Ким Чен Ын келеді деп жоспарланған. 

«Рейтинг» газеті 


Мүмкін сізді қызықтыратын тақырыптар:

  • Биыл қар әдеттегі нормадан 2 есеге көп түскен
  • Көшпелі форматтағы қоғамдық қабылдаулар көбейіп келеді
  • Қарағандылық уланған балалардан ішек инфекциясы табылмады – Министр Ажар Ғиният
  • Қарағандыда балалар уланған орталықтың басшысы мен 12 қызметкер жұмыстан шеттетілді
  • Қазақстанның бірнеше аймағында жанармай тапшылығы туындады
  • Ақпарат

    • Rgmedia.kz ақпарат агенттігін есепке қою туралы № 16380-ИА куәлігі 06.03.2017 жылы Байланыс, ақпараттандыру және бұқаралық ақпарат құралдары саласындағы мемлекеттік бақылау комитетінен берілді.

    Әлеуметтік желілер