Қазақстанның Ресейдегі елшісі Дәурен Абаев Сирияда 30-дан астам қазақстандық барын және олардың елге қайту ниеті жоқ екенін айтты. Бұл туралы rgmedia.kz РИА Новости сайтына сілтеме жасап хабарлайды.
"30-дан астам қазақстандық Сириядағы жекелеген топтардың құрамында жүр. Олардың басым бөлігінің отанына қайтып оралуға ниеті жоқ. Кейбірі Сирия азаматтығын алып, сол жерде тұрақты қалуды жоспарлап отыр. Сонымен қатар 10-нан астам отандасымыз Сириядағы күрд жасақтары бақылауындағы Әл-Холь және Родж лагерьлерінде жатыр. Олар да өз еліне қайтпайды. Сирияда соғысқан содырлардың елге оралуына байланысты алаңдауға негіз жоқ... Бұл мәселе Сириядан біздің азаматтарды қадағалау, қайтару және экстрадициялауда практикалық тәжірибесі мол Қазақстан арнайы қызметінің ерекше бақылауында, Сондықтан Қазақстанға оралғандардың деструктивті әрекеттері болуынан еш қауіп жоқ", – деді елші.
Оның айтуынша, содырлардың Сириядан елге оралуы оқшау жағдай және биліктің бақылауында.