Қазақстандық әнші Алтынай Жорабаева өзінің Instagram-дағы парақшасында қытайлыққа тұрмысқа шыққан қазақ қызын қолдаған өнер жұлдыздарына шүйлікті деп хабарлайды NUR.KZ.
Әнші өз жазбасында соңғы уақытта дау-дамайға ілескен оқиғаға қатысты өз ойын білдірді.
"Алла сақтай гөр! Намыс қайда? Алла бетін аулақ қылсын. Өнер адамдарының осыны қолдағандары жағаны ұстатты: "киімін киюге, теxнологиясын пайдалануға болады да, тұрмысқа шығуға болмайды ма ? Жүрекке әмір жүрмейді" деген не сөз? Ол жүректің дұрыс әмір беруі үшін, ұлтымыз, дінімізді құрметтеу, сүю дегенді ата-ана санаға құю керек қой. Сүюдің жағдайы осылай екен деп, дінді сатып бетімен кету емес қой. Басқа ұлтқа құрметпен қара, Сыйлау керек, өйткені біздің атамыз Қазақ қонақты сыйлап, төрге отырғызған, дұрыс. Бірақ оған қаныңды араластырып, тегіңді былғау деген емес қой, айналайын-ау", - деді әнші өз жазбасында.