Жетісайлықтар атаулы әлеуметтік көмектің шапағатын көруде

Screenshot_1.jpg

Түркістан облысы, Жетісай ауданында атаулы әлеуметтік көмектің игілігін көріп отырғандар аз емес. Солардың бірі – Сурая Размухаммадқызы үйінен шағын тігін цехын ашып, тірлігін дөңгелетіп отыр. Ол биыл мемлекеттен 340 мың теңге көлемінде қаржы алып, 2 тігін машинкасын іске қосқан. Негізінде ол қазақы ою-өрнегі мол камзол, көйлек, нымша және қыз жасауын тігеді. Бұл жөнінде аудан әкімінің баспасөз қызметі хабарлайды.

– Үш балашағам бар. Үйде бос отырмауды ойлап, отағасымен ақылдасып, осы кәсіпті аштық. Тапсырыс жаман емес. Жаздың күндері әсіресе қыз жасауларына сұраныс көп болады. Ал қыстың күні көктемгі сатылымдарға заттар дайындаймын. Айына шамамен 40-50 мың теңге көлемінде табыс табамын. Алдағы уақытта кәсібімді кеңейтсем деген арманым бар, – дейді Сурая Размухаммадқызы. 

Отағасы Әбибулла Мақсатұлы да жұмыс басты. Ол бүгінде жергілікті шаруа қожалықтың бірінде жұмыс істейді. Айтуларынша, бұл отбасы Жаңаауыл округі Интер ауылынан көшіп келген.

Ал жетісайлық Усманқұловтар шағын наубайхана ашып, табысын молайтып отырған әулет. Наубайхана ұстауды атакәсібіміз дейді. Бүгінде ерлі-зайыпты Нұрлан мен Жадыра «Күлпаршын» базарынан шағын нысанды жалға алып, жұмысын жандандырып үлгерген. 

– Біздің шағын цехымызда нан өнімдерінің 10 түрі өндіріледі. Атаулы көмектен алған 382 мың теңгемізге пеш сатып алдық. Әзірге әйелім екеуміз барлық тапсырыстарды қабылдап, пісіріп берудеміз. Қосымша жұмысшы алуға әзірге ертерек секілді. Айына шамамен ас-ауқаттан бөлек, 100 мың теңге көлемінде пайда табамыз, – дейді Нұрлан Усманқұлов. 

Мүмкін сізді қызықтыратын тақырыптар:

  • Шымкентте «Базар жастар лигасы» шарасы өтті
  • Конституция – адам бостандығы мен құқықтарының қорғаушысыАта Заң - Тәуелсіздік құндылығы!
  • Тура жолдан адаспау - басты мақсат
  • Сайрамды қылмыс деңгейі төмендеп келеді
  • Керуен жұмысы тиімділігін көрсетуде
  • Ақпарат

    • Rgmedia.kz ақпарат агенттігін есепке қою туралы № 16380-ИА куәлігі 06.03.2017 жылы Байланыс, ақпараттандыру және бұқаралық ақпарат құралдары саласындағы мемлекеттік бақылау комитетінен берілді.

    Әлеуметтік желілер