Жетісай ауданында цитрустық жеміс алғашқы өнімін берді

Screenshot_3.jpg

Түркістан облысы Жетісай ауданында лимон көшеттері алғашқы өнімін бере бастады. Осыдан екі жыл бұрын 15 соттық жылыжайға тәжірибе ретінде егілген лимонның бір түбі шамамен 10 келіге жуық өнім беруде. Атамекен ауыл округіндегі «Нұрсұлтан» шаруа қожалығының көшетбағын аралап көрген аудан әкімі Жамантай Бейсенбаев алдағы жылы лимоннан бөлек, шабдалы, құрма ағаштары мен шайлы роза көшеттерін көптеп дайындауға кеңес берді деп хабарлайда аудан әкімінің баспасөз қызметі. 

Жалпы, «Нұрсұлтан» шаруа қожалығының иелігінде 17 гектар жер бар. Оның 6 гектарына шабдалы, 2 гектарына құрма, 15 соттығына лимон, 80 мың түп шайлы роза көшеті егіліпті. Қожалық төрағасы Мұрат Жұмабеков алдағы жылы лимон көлемін тағы да 20 соттыққа арттыруды жоспарлап отыр. Мамандардың айтуынша, лимон бұтағы 25-30 жылға дейін өнім беруге қауқарлы екен.  

– Алғашқыда лимонның көшетін Ташкенттен алып қондырдық. Өкінішке орай тегіс тамыр алып кетпеді. Содан өзіміз лимон көшетін әзірлеуге кірістік. Жұмысымыз нәтижелі болып, биыл алғашқы өнімді ала бастадық, –  дейді Мұрат Жұмабеков. 

Бұдан бөлек, қожалық биыл шабдалыдан 3 тоннаға жуық өнім алыпты. Қазір мұнда шабдалының 1200 «Супер лола», 1000 түп «Халима» сорты жайқалып тұр. Алдағы жылы 2 гектар құрма да алғашқы өнімін бере бастамақ.

Мүмкін сізді қызықтыратын тақырыптар:

  • Шымкентте «Базар жастар лигасы» шарасы өтті
  • Конституция – адам бостандығы мен құқықтарының қорғаушысыАта Заң - Тәуелсіздік құндылығы!
  • Тура жолдан адаспау - басты мақсат
  • Сайрамды қылмыс деңгейі төмендеп келеді
  • Керуен жұмысы тиімділігін көрсетуде
  • Ақпарат

    • Rgmedia.kz ақпарат агенттігін есепке қою туралы № 16380-ИА куәлігі 06.03.2017 жылы Байланыс, ақпараттандыру және бұқаралық ақпарат құралдары саласындағы мемлекеттік бақылау комитетінен берілді.

    Әлеуметтік желілер