Жаңадан ашылған фронт-офис халық игілігі үшін жұмыс істемек

Screenshot_9.jpg

Қазір заман жаңа технологияларға қарай бет бұрып келеді. Бұдан қашып құтыла алмайсыз. Көштен қалмау үшін заманға бейімделе білу керек. Осыған орай, елімізде «Цифрлы Қазақстан» мемлекеттік бағдарламасы жүзеге асырылуда. Бұл бағдарламаның аясында Түркістан облысының орталығында экономикалық соттың жанынан фронт-офис ашылды. Жаңадан жұмысын бастаған нысанның ашылу рәсіміне Түркістан облысының әкімі Жансейіт Түймебаев қатысып, қызмет көрсету орталығын аралап көріп: 

– Халыққа қызмет көрсететін мемлекеттік мекемелердің сапасын арттыру – заман талабы. Бұл туралы Елбасы үнемі айтып келеді. Міне, бүгін осы міндетті орындау барысында халыққа қызмет көрсететін фронт-офис ашылып отыр. Бұл халық пен билік арасын одан сайын жақындастыра түсетін мекеме. Мұнда мәселенің дер кезінде, әділ шешілуіне барлық жағдай жасалған. Яғни, орталықта көрсетілетін қызметтердің басым бөлігі электронды жүйеге көшірілген. Бұл қоғамда дау-дамай туындайтын болса, бұрынғыдай ұзақ уақытқа созылмай, қысқа мерзімде шешіледі деген сөз, – деді. 

Ғимаратта ақпараттық орталық, кіріс кеңсесі мен өзіне-өзі қызмет көрсету аймақтары орналасқан. Күту залында келушілерге жағдай жасалған, интернет желісі, мобильді сымтетіктерді қуаттағыштармен де жабдықталған. Сонымен қатар, мұнда дауларды сотқа дейін жеткізбей шешуге жұмыс істейтін медиация кабинеті қарастырылған. Онда тараптардың мәселесін әділ шешіп, істі тоқтатумен айналысатын кәсіби мамандармен қамтылған.

Одан бөлек, кеңседе «Вертуальды сот отырысы» жобасын іске асыру жүйесімен де қамтылған. Бұл жоба еліміздің кез-келген жерінен электронды құрылғылардың көмегімен сот отырыстарына қатысуға мүмкіндік береді. 

Мүмкін сізді қызықтыратын тақырыптар:

  • Тура жолдан адаспау - басты мақсат
  • Сайрамды қылмыс деңгейі төмендеп келеді
  • Керуен жұмысы тиімділігін көрсетуде
  • Бәйдібек ауданында IT-сынып ашылды
  • ​Түркістан облысында асфальт-бетон өндіру зауыты іске қосылды
  • Ақпарат

    • Rgmedia.kz ақпарат агенттігін есепке қою туралы № 16380-ИА куәлігі 06.03.2017 жылы Байланыс, ақпараттандыру және бұқаралық ақпарат құралдары саласындағы мемлекеттік бақылау комитетінен берілді.

    Әлеуметтік желілер