Тұрғындар жаңа көпірдің игілігін көрмек

Screenshot_3.jpg

Үзіліп тұрған екі ортаны жалғау – қайырлы іс. Әсіресе, көпір салу – көп сауап береді. Себебі, көпір арқылы адамдар діттеген жеріне тез жетеді. Бұл жерде ең бірінші уақыт және күш үнемдейді.

Міне, осындай қайырлы іс жақында Түркістан облысы, Сарыағаш ауданында жүзеге аспақ. Мұнда республикалық маңызы бар тасжолындағы 6 көпір мен 3 жерүсті жаяу жүргіншілер жолы пайдалануға беріледі.

Келес өзеніндегі көпірді құрылысшылар небәрі бірнеше айда салып бітті. Құрылыс жұмыстары желтоқсан айында басталған. Ал дайындық кезеңі көктемге дейін ұласқан-ды. Құрылысшылардың айтуынша, ең қиынға соққаны — өзеннің арнасынан тасу кезімен арпалысу болыпты. Бұл жұмысшыларды әбігерге салғанымен, жергілікті жұрт бұл жағдайда үйреніп қалған. Себебі әр көктемде өзеннің деңгейі көтеріледі. Десе де 25-тамыз күні бұл көпірмен алғашқы көліктер жүре бастады.

Осы құрылысты жүргізіп жатқан «ЖБИ» ЖШС-нің бас инженері Төрехан Дүйсенов:

- Республикалық маңызы бар тасжолдағы бағыттар тоқтамауы керек. Ал үлкен көпірді салуда уақытша көпірді бұзбаймыз. Әзірге бұл да қажетімізге жарап тұр. Ал үлкен көпірдің ұзындығы — 57, ені — 10 метрге теңеседі. Екі жақтама 1,5 метрдей жаяу жүргіншілер жолы салынады, - дейді.

Ені 17 метр болатын металл құрылымның төбесі, көпірдегі жолүсті баспалдақтары — барлығы — ыстыққа төзімді, балқуға жол бермейтін жасақтармен жабдықталыпты. Сондай-ақ, мүгедек жандар үшін де арнайы сырғыма-баспалдақтар жасалыпты. Жауаптылар жылдың соңына дейін дәл осындай 3 көпірдің қолданысқа берілетінін айтып отыр.


Мүмкін сізді қызықтыратын тақырыптар:

  • Шымкентте «Базар жастар лигасы» шарасы өтті
  • Конституция – адам бостандығы мен құқықтарының қорғаушысыАта Заң - Тәуелсіздік құндылығы!
  • Тура жолдан адаспау - басты мақсат
  • Сайрамды қылмыс деңгейі төмендеп келеді
  • Керуен жұмысы тиімділігін көрсетуде
  • Ақпарат

    • Rgmedia.kz ақпарат агенттігін есепке қою туралы № 16380-ИА куәлігі 06.03.2017 жылы Байланыс, ақпараттандыру және бұқаралық ақпарат құралдары саласындағы мемлекеттік бақылау комитетінен берілді.

    Әлеуметтік желілер