"Рухани жаңғыру" аясында жаңа байқау қолға алынды

lider_5.jpg

Түркістан облысында Елбасының «Болашаққа бағдар: рухани жаңғыру» бағдарламалық мақаласының орындалуы аясында «Лидер Reader ON»  кешенді іс-шарасы қолға алынды. Бұл туралы Өңірлік коммуникациялар қызметінде өткен баспасөз конференциясында облыстық жобалық кеңсе жетекшісі Бақытжан Әшірбеков мәлім етті. Мектеп кітапханаларының арасында қолға алынған жаңа жоба еліміздің басқа аймақтарында жүзеге асырылмаған. Лидер Reader ON» - деген сөз «Үздік оқырман» деген мағына береді.

«Лидер Reader ON» кешенді іс-шарасының ережесі бойынша облыс мектептерінің бәрінде айдың, тоқсанның, жылдың 13 үздік оқырманы анықталып, марапатталып отырылады. Сондықтан, бұл іс-шараға облыстағы 1 мыңнан астам мектептің 13 мыңнан көп оқушысы жүйелі түрде қатысып, кітап оқу бойынша жарысқа түсетін болады. Бұл өз кезегінде олардың  кітаптар оқып, рухани қазынамен сусындап, отансүйгіш азамат болып қалыптасуына игі ықпалын тигізеді.

Әр жанр бойынша үздік оқушылар Instagram және Facebook әлеуметтік желілерінде дауыс жинау арқылы анықталып, әр айдың жеңімпаздары бағалы сыйлықтармен марапатталады. Бақытжан Айдарханұлының айтуынша, үздік оқырман оқушылар анықталған жағдайда олардың ата-аналары да назардан тыс қалмайды. Оларға ынталандыру сый-сияпаттары жасалып, баланың рухани бай болып, дамуына ата-аналардың да қызығушылығын ояту жайы қаралған. 

Сонымен бірге, баспасөз жиынында «Жаңа гуманитарлық білім. Қазақ тіліндегі 100 жаңа оқулық» жобасы  аясында  биыл философия, әлеуметтану, психология, экономика, менеджмент, дінтану, лингвистика, мәдениеттану, антропология, журналистика салалары бойынша ЖОО студенттеріне арналған 18 оқулық аударылғаны хабарланды. Бұл оқу құралдары жоспарға сай, қазақ тіліне аударылып, ЖОО-на тегін жеткізілген. Жаңа оқулықтар 2018-2019  оқу  жылынан  бастап  жоғары  білім  беру жүйесіне  енеді. 


Мүмкін сізді қызықтыратын тақырыптар:

  • Шымкентте «Базар жастар лигасы» шарасы өтті
  • Конституция – адам бостандығы мен құқықтарының қорғаушысыАта Заң - Тәуелсіздік құндылығы!
  • Тура жолдан адаспау - басты мақсат
  • Сайрамды қылмыс деңгейі төмендеп келеді
  • Керуен жұмысы тиімділігін көрсетуде
  • Ақпарат

    • Rgmedia.kz ақпарат агенттігін есепке қою туралы № 16380-ИА куәлігі 06.03.2017 жылы Байланыс, ақпараттандыру және бұқаралық ақпарат құралдары саласындағы мемлекеттік бақылау комитетінен берілді.

    Әлеуметтік желілер