Экономика және бейбітшілік институты мамандары Қазақстанды терроризм қаупі ең төмен елдердің қатарына қосты деп хабарлайды RGmedia.kz тілшісі.
Зерттеу бойынша Орталық Азиядағы үш мемлекет, атап айтқанда Қазақстан (0 балл), Қырғызстан (0 балл) және Түрікменстан (0 балл) терроризм қауіпі өте төмен елдердің қатарында. Осылайша Жаһандық терроризм индексінде Қазақстан 100-орынға жайғасты.
Бұл ретте көршілес Өзбекстан — 90 (0,233 балл), ал Тәжікстан 70-орынға (0,999 балл) тұрақтады. Индексті қалыптастыру тәртібіне сай, неғұрлым елдер кейінгі орындарға жайғасса, соғұрлым ол мемлекеттегі терроризм қауіпі төмен деп бағаланады.
Ал Ресей (16-орын) терроризм қауіпі жоғары елдер қатарында. Беларусь пен Әзербайжан 90-шы орында болса, Армения 79-орынға тұрақтаған.
Алғашқы үштікке Буркина-Фасо, Пәкістан және Сирия еніп отыр.