"Қайрат" клубы А.Аршавинді шапан жауып шығарып салды

Screenshot_7.jpg

Ресейлік танымал футболшы Андрей Аршавин "Қайрат" сапындағы соңғы ойынын өткізіп, футболдағы мансабын аяқтады. Алматылық ұжым ойыншыға шапан жауып, зор қошеметпен шығарып салды. 

Жартылай қорғаушы ел чемпионатының соңғы турында "Шахтерға" қарсы кездесуде қоштасу ойынын өткізді. Екінші тайм басында алаңға шығып, бірнеше рет қонақтар қақпасын торуылдап көрді. Дегенмен ойында гол соғылған жоқ. 

Ойын соңынан Андрей Аршавин стадион жанкүйерлеріне қол соғып, баршасына алғысын білдірді. Жергілікті жанкүйерлердің ыстық ықыласына рақметін жеткізді.

- Үш жыл ішінде мені қолдап, жақсы көріп, ыстық ықыласпен қарсы алған баршаңызға зор алғысымды білдіремін. Осында жүрегімнің бір жартысы қалып бара жатқандай. Үлкен рақмет, баршаңызға сәттілік! - деді футболшы.

Андрей Аршавин "Қайрат" сапында үш маусым ойнады. 100-ден аса ойынға қатысып, 30 гол, 37 нәтижелі пас берді. Клуб сапында үш рет ел чемпионатының күміс жүлдегері атанды. ҚР Кубогы мен Суперкубогында жеңіске жетті.

Мүмкін сізді қызықтыратын тақырыптар:

  • 83 жастағы Қазақстан азаматы Түркияда чемпион атанды
  • Қазақстан құрамасы әлем чемпионатына қатысудан бас тартты
  • Футболдан Қазақстан чемпионаты енді OLIMPBET деп аталады
  • Түркістан облысында Ақсақ Темірдің атымен аталатын футбол командасы құрылды
  • Құсайынов қарсыласын нокаутқа жіберді
  • Ақпарат

    • Rgmedia.kz ақпарат агенттігін есепке қою туралы № 16380-ИА куәлігі 06.03.2017 жылы Байланыс, ақпараттандыру және бұқаралық ақпарат құралдары саласындағы мемлекеттік бақылау комитетінен берілді.

    Әлеуметтік желілер