Кентауда Абайдың еңселі ескерткіші ашылды

Screenshot_18.jpg

Түркістан облысы Кентау қаласында қазақтың ұлы ақыны Абайдың 175 жылдығына орай еңселі ескерткіш орнатылып, ашылу салтанаты өтті. Биіктігі 4,5 метр ескерткіш 3 метрлік тұғырға орнатылған. Жалпы биіктігі 7,5 метр, салмағы 3 тонна ескерткіш қала орталығындағы Абай даңғылы бойында орналасқан. Авторы мүсінші – Бауыржан Жалын.

Ашылу салтанатына қатысқан облыс әкімінің орынбасары Сәкен Қалқаманов  Кентау қаласында бірнеше нысан пайдалануға берілгенін атап өтті.

"Соның арасында шоқтығы биігі биыл мерейтойы аталып жатқан қазақтың мақтанышы, ұлы данышпаны Абайға арналған ескерткіштің ашылуы. Бұл нысанның кентаулықтарға, жастарға идеологиялық, тәрбиелік мәні зор. Осында кентаулық жастар ақынның өлеңдерін, қара сөздерін оқитын болады. Бүгін қалада ашылған жаңа нысандар елдің игілігіне жарай берсін", - деді Сәкен Амангелдіұлы.

Сондай-ақ, кентаулық зиялы қауым өкілдері мен ақсақалдар жылы лебіздерін жеткізді. Жас ақындар ұлы ақынға арнап арнаулар айтты. Елорда күніне орай, сондай-ақ Кентау қаласында "Ұстаздар аллеясы" ашылды. "Жастар саябағы" күрделі жөндеуден өтіп, пайдалануға берілді.


Мүмкін сізді қызықтыратын тақырыптар:

  • Бас прокуратура ресейлік хакер Кислицинді экстрадициялауға қатысты пікір білдірді
  • «Беделі де, ары да таза жігіт» - Мәжіліс депутаты (видео)
  • «Осыдан бірер күн бұрын масқара жағдай болды» - Тоқаев
  • «Сайлауды таза, әділ өтті деп ешкім айта алмайды» - Мұхтар Тайжан (видео)
  • Жүрсін Ерман діни сектаға кетіп қалған айтыскерлердің атын атады (видео)
  • Ақпарат

    • Rgmedia.kz ақпарат агенттігін есепке қою туралы № 16380-ИА куәлігі 06.03.2017 жылы Байланыс, ақпараттандыру және бұқаралық ақпарат құралдары саласындағы мемлекеттік бақылау комитетінен берілді.

    Әлеуметтік желілер