2025 жылдың 1 сәуірінде америкалық Forbes әлемнің ең бай бизнесмендерінің жаһандық рейтингін жариялады. Бұл рейтингке жеті қазақстандық бизнесмен енген деп жазады RGmedia.kz тілшісі. Әлемдегі ең бай бизнесмендер рейтингінде бірінші орынды Илон Маск, екінші орынды Марк Цукерберг, ал үшінші орынды Джефф Безос иеленді.
Ал қазақстандық байлардың көшін Вячеслав Ким бастап тұр. Оның капиталы 5,8 млрд доллардан 7,1 млрд долларға өскен. Екінші орынға Тимур Турлов жайғасты. Freedom Holding Corp. басшысы Тимур Турловтың байлығы 3,3 млрд доллардан 5,8 млрд долларға дейін өскен. Рейтингтің үшінші сатысында Владимир Ким (байлығы 3,6 млрд доллардан 5,7 млрд долларға өскен) тұрса, Тимур мен Динара Құлыбаевтар (байлығы 5,3 млрд доллар деп бағаланып отыр) екінші орыннан төртінші орынға түсіп, ал Болат Өтемұратов рейтингтің алтыншы орнын иеленді.
Forbes журналының жаңа санындағы табысты қазақстандықтардың арасында Kaspi.kz-тің тең құрылтайшысы Михаил Ломтадзе де бар. Ол 5,9 млрд доллар байлықпен жаһандық рейтингте 597-орынға жайғасты.