Қазақстанның танымал актері Асылхан Төлепов әлеуметтік желі парақшасында сүйінші жаңалығымен бөлісті. Айтуынша ол жаңа қызметке тағайындалған деп жазады RGmedia.kz тілшісі.
"Қазақстан таеквондо федерациясының мәдени интеграциялар бойынша арнайы өкілі атанғаныма қуаныштымын! Бұл – мен үшін үлкен мәртебе. Себебі бұл ұйым тек спортты ғана емес, жас буынның рухын, тәртібін және Отанға деген сүйіспеншілігін тәрбиелеп жатыр. Кеше мен жастар арасында Қазақстан Республикасының чемпионатына қатысып, біздің спортшылардың шеберлігіне және жарыстың жоғары деңгейде ұйымдастырылуына куә болдым. Таеквондо – бұл жай ғана спорт емес, бұл болашағы зор қозғалыс. Федерация маған артқан сенімдеріңіз үшін алғыс айтамын. Жаңа белестерге бірге жетеміз"!, – деп жазды ол.