QazaqGaz ұлттық компаниясының басқарма төрағасы Санжар Жаркешовтің Үкімет отырысында жасаған баяндамасы Олжас Бектеновке ұнамай қалды. Тек оң нәтижелерді баяндаған басқарма төрағасына Үкімет басшысы ескерту жасады деп хабарлайды rgmedia.kz тілшісі.
"Жұмыстарыңызда ешқандай мәселе жоқ па сонда? Тек қана жұмыстың оң нәтижелерін көрсеттіңіз. Проблемалық мәселелерді көбірек айту қажет. Жарыққа шығарып, талқылау қажет. Бар ма мұндай мәселе?, — деп сұрады Премьер-министр.
Жаркешов Қашаған зауытындағы баяу жұмыс туралы айтты.
Қашағандағы өңдеу зауытының мәселелері болды. Оның құрылыс жұмыстары баяу жүрген еді. Қазіргі таңда басқа мердігер келгелі бері құрылыс мәселе шешіліп, 100 пайыз жабдықтар Қытайдан келді. Құрылыс ұлғайтылды. Қазір белгіленген мерзімде құрылысты аяқтауды жоспарлап отырмыз, — деді Санжар Жаркешов.