Қазақстанда ақылы жолға төленбеген қарызды өндірудің жаңа тәсілі қарастырылып жатыр.“Информбюро” жаңалықтар қызметінің хабарлауынша берешегі көп азаматтарға көлігін сатуға және қайта тіркеуге тосқауыл қойылмақ. "Жол жүрісі туралы" заңға мәжіліс депутаттары өзгеріс енгізген. Құжатты қайта қарауға елдегі ақылы жолға қарыз азаматтардың көптігі себеп болған. Қазір жүріп өткен жолы үшін отандастарымыздың берешегі 6 миллиард теңгеден асқан екен.
Жоба авторлары оны өндіруге осы өзгеріс оң ықпал етеді деп сендіреді. Түскен қаражат тек ақылы жолдардың ғана емес, халықаралық және республикалық маңызы бар тегін жолдарды жөндеу мен күтіміне жұмсалмақ.