Әйгілі әнші өзбектерден нашар жұмыс істейтін қазақ құрылысшыларын сынға алды

uzbek.jpg

«Жігіттер» квартетіндегі Мырзахан Маханов биыл жазда еш демалмаған. Өз сөзінде әнші жуырда баспаналы болатынын айтып қалды. Ол үйге кеткен қаражатты өзбек ағайындардың қалтасына салыпты. Себебі әншінің бұған дейін ауылдағы үйін түрғызған қазақ құрылысшыларына өкпесі қара қазандай.

Бұл туралы HIT.TV арнасына сілтеме жасап Stan.kz хабарлайды.

Жаз айында демалыссыз жұмыс істеп жатқан өнер иелерінің ішінде «Жігіттер» квартетіндегі Мырзахан бар. Ол биыл үлкен істі тындырған.

«Биыл мен үшін демалыс жоқ. Себебі құрылыс басында жүрмін. Өзіме Алматыдан үй салып жатырмын», – дейді әнші.

Әзірге бұл әншінің Алматыдағы алғашқы баспанасы болмақ. Ал жаңа қонысқа кірген кезде дос-жаранға той жасамақ ниетте.

«Бұл бірінші үйім. Жер үй ғой. Кішігірім, екі қабат үй. Өзіме, шама-шарқыма болады. Арнайы қонаққа шақырамын. Бастысы, толықтай бітіріп алайын», – дейді Маханов.

Үй салу әсте оңай емес. Ара-тұра әнші құрылысты отандық құрылысшыларға емес, өзбек ағайындарға сеніп тапсырыпты.

«Өйткені біз бұған дейін ауылдағы үйімізді өзіміздің қазақ ағайындарға салғыздық. Сол кезде көрдік. Бізде жұмыс жасау жүйесі басқа. Мысалы, өзбек ағайындар таңғы сағат 5-те тұрады, 6-да жұмыстарын бастап кетеді. Біздің қазекең таңертең 8-де тұрады. 9-да не 9 жарымда жұмысты бастайды. 12-де түскі асқа шығады. Тамақ ішіп алады да, кішкене көз іледі. Сағат 3-те қайта бастайды жұмысты. 6-дан кеткенде кеш болғанын айтады. Сонда 2-3 сағаттан жұмыс істейді. Біткеннен кейін қарасаңыз, кемшіліктер шығады», – дейді әнші.

Сондай-ақ, ол өз сөзінде өзбек ағайындарының еңбегі үшін ақшаны да азырақ алатынын айтты. Сол үшін де тиімді болды, дейді Мырзахан.

Бұл, әрине, бір ғана әншінің отандық құрылысшыларға берген бағасы. Оған қарап, отандық жұмысшыларымыздан әсте түңілуге болмайды.


Мүмкін сізді қызықтыратын тақырыптар:

  • Шымкент: Еңбекші ауданынан құрылған тексеру тобы қоғамдық көліктерге рейд жүргізді
  • Шымкент: Әл-Фараби ауданында карантиндік режимді сақтамаған тағы бір сауда орны жабылды
  • Шымкент: Әл-Фараби ауданында санитарлық талапты сақтамаған нысан жабылды
  • Шымкент: Абай ауданында карантиндік талапты бұзған кәсіпкерлерге айыппұл салынды
  • Шымкент: Еңбекші ауданындағы қоғамдық орындарға тексеру жүргізілді
  • Ақпарат

    • Rgmedia.kz ақпарат агенттігін есепке қою туралы № 16380-ИА куәлігі 06.03.2017 жылы Байланыс, ақпараттандыру және бұқаралық ақпарат құралдары саласындағы мемлекеттік бақылау комитетінен берілді.

    Әлеуметтік желілер