Суармалы жерлер көлемі ұлғайып келеді

Screenshot_7.jpg

Түлкібас - табиғаты бау-бақша егуге қолайлы аудан. Топырағы құнарлы Түлкібас жеріне қадаған тал-барақтар тез тамырланып, көгереді.  Сондықтан да, ауданда бау-бақша көлемін ұлғайтқан абзал. Әрине, ол үшін ең бірінші суармалы жерлерді көбейту керек. Яғни, бау-бақша егуге қолайлы жағдай жасалғанда, тау басынан, жер астынан су тартылып, шаруаларға қолайлы жағдай жасалғанда ғана ауыл шаруашылығы өркендейтінің анық.

Түлкібаста бүгінгі таңда мемлекет тарапынан және демеушілір есебінен суармалы жерлерді ұлғайту мақсатындағы жұмыстар қарқынды іске асуда. Осы орайда, Түлкібас ауданына қарасты Арыс ауылдық округіндегі «Жаңа» каналы іске қосылып, ауыл тұрғындарын қуанышқа бөледі. 

Аудан әкімдігінің баспасөз қызметінің хабарлауынша, каналдың жалпы ұзындығы 4,5 шақырым. Аудан әкімдігінің ұйытқы болуымен аталмыш каналдың 1,5 шақырымы «Казсушар» РМК Түркістан облысы филиалы арқылы жөндеуден өтсе, 3 шақырымына демеушілер есебінен жөндеу жұмыстары жүргізілген. Бүгінгі таңда жөндеуден өткен «Жаңа» каналы арқылы Арыс ауылдық округінің 70 гектар ауылшаруашылығы бағытындағы жерлері ағынды сумен қамтамасыз етіліп отыр. Сондай ақ, осы бағытта демеушілер есебінен аудан аумағындағы 41 шақырымнан астам каналдар жөндеуден өтіп, ауыл тұрғындарын ағынды сумен қамтуда.

Screenshot_6.jpg

Ауданда суармалы жерлердің көлемін 1115 гектар ұлғайту мақсатында жобалық сметалық құжаттар дайындалып, республикалық бюджет есебінен ұзындығы-15,3 шақырым (нысан өтпелі 2020ж толығымен аяқталады), облыстық бюджет қаржысы есебінен ұзындығы 13,6 шақырым су нысандарына механикалық тазалау жұмыстары жүргізілуде. Бүгінгі таңда 90 пайызы іске асты.

Мүмкін сізді қызықтыратын тақырыптар:

  • Түркістандық кәсіпкер ауыл шаруашылығы өнімдерінің өндірісін дамытпақ
  • «Rixos Turkistan» қала экономикасының дамына орасан зор үлес қосуда
  • Қыспаққа түскен тағдыр
  • Түркістандықтар «Worldskills Kazakhstan-2019» чемпионатында жүлдегер атанды
  • Ата кәсіпті дәріптейтін ағаш ұстасы
  • Ақпарат

    • Rgmedia.kz ақпарат агенттігін есепке қою туралы № 16380-ИА куәлігі 06.03.2017 жылы Байланыс, ақпараттандыру және бұқаралық ақпарат құралдары саласындағы мемлекеттік бақылау комитетінен берілді.

    Әлеуметтік желілер