Шымкент: Жүк көліктерінің қалаға кіріп-шығуына кедергі жоқ

Бұл туралы ақпараттық-коммуникациялық орталықта өткен брифингте Шымкент қаласы әкімінің орынбасары Мақсұт Исахов мәлім етті. 

3796cf25-133d-47d7-8aa5-21abe0bf6f82.jpg

Мақсұт Пернебайұлының айтуынша, Шымкент қаласының Бас мемлекеттік санитариялық дәрігерінің қаулысына сәйкес, жүк көліктерінің қалаға кіріп-шығудың арнайы ережесі бар. Қала кіреберістеріндегі барлық бекеттерде «Жасыл дәліз» ұйымдастырылған. Ол жерден тіршілікті қамтамасыз ететін көліктер, азық-түлік тасымалдаушы машиналар мен транзиттік жүк көліктері, сондай-ақ, басқа да арнайы техникалар кедергісіз өтеді.

- Шымкент қаласының аумағында төтенше жағдайдың енгізілуіне байланысты жүк транзиттік автомобильдерін, сондай-ақ қала мұқтажы үшін азық-түлік тауарларын тасымалдайтын жүк автомобильдеріне рұқсат берілген. Дегенмен, жеңіл көлікпен кіруге болмайды. Карантин талаптарын орындап, базаға енгізілген кәсіп иелері аз емес. Егер, шаруа қожалықтарына, жылыжайларға қажетті заттар алу үшін қаладан шыққан жағдайда, қайта кіруге тек жүк көлігіне ғана рұқсат беріледі, - деді қала әкімінің орынбасары.

Ережеге сәйкес, азық-түлік тауарларын жүк көлігімен тасымалдау: тек жүк көлігі; көлік құралдарын тиеген немесе бос; жүргізуші және екі жолаушыдан артық болмауы тиіс. Мәселен, олар құрылыс материалдарын, жанар-жағар май, тұқым, көшеттер, ауыл шаруашылығына қажетті тыңайтқыштарды тасымалдауы мүмкін. Бұл ретте жүк көліктерінің қаладан шығуына кедергі жоқ. 

Сондай-ақ брифингте сөз алған Шымкент қаласы ауылшаруашылығы және ветеринария басқармасының басшысы Асқар Қаныбеков тауар өндіруішілердің жүк көліктерімен қалаға кіріп-шығуы қатаң бақылауда екенін атап өтті.  

- Көктемгі егін егу науқаны кезінде қала аумағындағы барлық бекеттерде әкімдік және полиция департаменті мамандарымен бірлесіп жедел штаб ұйымдастырылған. Сонымен бірге, арнайы call-орталығы жұмыс істеуде, онда өтініштер (мекеме атауы, қызметкер ЖСН, автокөлік мемлекеттік нөмірі) ақпаратты көрсете отырып электронды түрде қабылданып, «Сергек блокпост» ақпарат базасына енгізіледі. Блок бекеттердегі көліктер бейнебақылау арқылы тұрақты бақылануда, - деді Асқар Сәкенұлы. 

Еске сала кетсек, бұған дейін Шымкентте көліктер мен азаматтардың қозғалысын тіркейтін Shym-karantin.kz порталы іске қосылғанын хабарлағанбыз. Тұрғындар аталған сайтқа кіру арқылы өздерінің немесе көліктердің қала ішінде жүруіне рұқсат етілгендігін біле алады. База күн сайын жаңартылып отырады.

Шымкент қаласы төтенше жағдай жөніндегі штабы

Мүмкін сізді қызықтыратын тақырыптар:

  • Ресей ғалымдары коронавирусты емдеудің жаңа тиімді әдісін тапты
  • Шымкентте туристерге арналып навигациялық стелалар орнатылуда
  • В Шымкенте за сутки от коронавирусной инфекции вылечились 181 человек
  • Крупнейший универсальный стрелковый комплекс Азии строится в Шымкенте
  • Число зараженных сокращается
  • Ақпарат

    • Rgmedia.kz ақпарат агенттігін есепке қою туралы № 16380-ИА куәлігі 06.03.2017 жылы Байланыс, ақпараттандыру және бұқаралық ақпарат құралдары саласындағы мемлекеттік бақылау комитетінен берілді.

    Әлеуметтік желілер